ارجو من جميع الاعضاء الدخول قبل وضع اي مشاركه ...

السلام عليكم ورحمة الله وبركاته ..
كيفكم ان شالله بخير ...
يمكن الموضوع ملفت للنظر بس انا حبيت اطرحه لكم حفاظا على المنتدى
لوحظ في الفتره الاخيره على الاعضاء تكرار المواضيع وبالاخص الاعضاء الجدد فقسمنا هذا
قسم الحوار والنقاش ليس للنقل والتكرار انا ما امنع اذا كان منقول للفائده..
بس ما صارت كل يوم نحذف اربع خمس مواضيع يعني بصراحه بدل ما ادخل واحصل موضوع
نستفيد منه او نتناقش عليه صارت مهمتي بس الحذف .. فارجوا كل الرجاء على من يريد يطرح موضوع ان يذهب للقائمه فوق في الصفحه وفيه مكتوب البحث يدخل الموضوع ويشــوف اذا هو مكرر اولا او انه يرجع للصفحات .. وياليت يكون الموضوع من قلم صاحبه يكون افضل يعني يطرح قضيه حصلت له او شي يستحق النقاش ..
وفيه قضيه ثانيه ما راح اخليها تمر مرور الكرام ...
مواضيع نقلها الاعضاء الله يهديهم وهم ما يدرون من صحه المصدر ...
مثل موضوع الملك عبدالله الله يحفظه يوم كان مع بوش كان يشرب الماء قالوا كلام والله اخجل اني اقوله يعني ما ادري شلون عقولهم تصدق مثل هالاقاويل الملك عبدلله يشرب الخمر مع بوش
فاخوي غرك زمانك ما قصر ونزل الموضوع ووضح لهم ان الكاس كان كاس ماء ...
وفيه موضوع ثاني بعد الله يستر بس من الجايه ..
افتتاح مرقص في السعوديه او ديسكو...
انا ما ادري هل الي ينقل الموضوع يقرا ويفهم صح ولا بس يبي يزيد مشاركاته ويبي الناس تدخل تشوف وش الي حاصل ...
لا وكاتبين انه صاحب المحل سعودي وجالس سنتين او ثلاثه يراجع امانة منطقة الدمام حتى وافقوا له بفتح مرقص في الدمام .. يعني شي ما يدخل العقل ...
لا ننسى انه فيه مواقع ومنتديات يهوديه ونصرانيه معاديه للأسلام وتكتب مواضيع على انهم ينتمون الينا فانا اتوقع مثل هذه المواضيع من عندهم وعلى كل عضو ان يعي ويفهم الموضوع الي راح ينقله او يتكلم عنه ..
ارجوا اني ما اطلت عليكم بس والله ما قلت كلامي هذا الا لتعم الفائده للجميع ..

مع تحيات نائب المدير

» ][ قـــوانـيـن المنـتدى الريـــاضي][ ][هام لجميع الاعضاء ][